Tayari, baada ya siku tatu itakuwa Krismasi.  Je!  Umechangamka?  Hmm!  Watoto bila shaka wanatarajia zawadi kwa shangwe, lakini kwa watu wazima wengi, wanaona Krismasi ingine ni kawaida tu.

Hatuna uhakika kwamba Yesu alizaliwa mwisho wa mwezi wa Desemba.  Wachungaji, sidhani wangekuwa wanachunga kondoo kondeni usiku majira yale ya baridi sana nchini Israeli, sidhani.

Ila dhana ya kumtuma Yesu ulimwenguni kutuokoa na dhambi zetu – yaani uasi wetu dhidi ya Mungu, na maovu yale yote sisi na wengine wote waliyoyafanya kwa kujiharibia na kuharibu ulimwengu wetu na kuleta maumivu na mateso mengi – ni dhana ilianzia kabla ya majira yote, kabla ya uumbaji tangu milele zote.  Daima dhana hiyo ilikuwa katika fikra zake na moyo wake Mungu.

Yohana 1:1-5  Hapo mwanzo kulikuwako Neno, naye Neno alikuwako kwa Mungu, naye Neno alikuwa Mungu.  Huyo mwanzo alikuwako kwa Mungu.  Vyote vilifanyika kwa huyo; wala pasipo yeye hakikufanyika cho chote kilichofanyika.  Ndani yake ndimo ulimokuwa uzima, nao ule uzima ulikuwa nuru ya watu.  Nayo nuru yang’aa gizani, wala giza halikuiweza.

Mtume Yohana anamwita Yesu kuwa “Neno” – yaani Mungu akiongea nasi.  Pia, nadhani unakumbuka pale Mwanzo sura ya kwanza neno la kwanza alilotamka Mungu katika kuumba?  Mungu alisema, Iwe nuru!  Ikawa nuru.

Yesu alikuja awe nuru ya ulimwengu huu, ulimwengu unaomoishi wewe.  Alikuja kuang’aa nuru maishani mwako.  Nayo nuru yang’aa gizani, wala giza halikuiweza.  Hii ndiyo maana ya Krismasi.  Pia …  

Hili ndilo Neno la Mungu safi na lenye afya kwa ajili yako leo.