Ngicabanga ukuthi mina nawe asibona abantu abagijima ukwedlula bonke layindlini.Kodwa ikhona into engasibeka ekuqaleni .Ungathanda ukwazi ukuthi yini  ?

Omunye umngani wami u- Peter Sewell, wangicobelela lendaba : “Ngesikhathi ngineminyaka engu 5 ngangigijima esikoleni . Zonke izingane zazifika zime phambi kwentambo ,ngangiqhamuka kugcina .Ngangiza ngemumva kodwa ngifike ngiyishaye ngale intambo  qede ngidle ubhedu .Ngangihlale ngingumlaleli omuhle futhi ngilandele imiyalelo  .”

Awukuthandi lokho na ? Inkinga ngukuthi iningi lethu alinjalo .Mangase nje ngiwayinde iwashi ngibuyele ebuncaneni nami qede ngiziphe lezizeluleko  ezifanayo ,bengizothi kimi : Sbonelo ,hlala phansi ,uvale umlomo ulalelisise  

Nami ngiyafana nabaningi ngiyathanda ukusebenzisa isikhathi ngikhuluma esikhundleni sokulalela .Ngakho uma ungavuma ,ngivumele ngikunike nalu ucwezu lwenhlakanipho ekhethekile eyigolide  namhlanje :

Izaga  17:27,28 Obamba amazwi akhe unokwazi ;onomoya opholileyo ungumuntu oqondileyo .Nesiwula lapho sithule kuthiwa isihlakaniphi ;ovala umlomo wakhe ungoqondileyo .

Kukangaki sikwenza ukuvese siqale sivule umlomo esikhundleni sokulalela ? Lapha uNkulunkulu akushoyo ngukuthi nkathinye sehlisa ukukhuluma sivula izindlebe  ukuzwa okushiwo ngabanye abantu ,sibuka izinto ngamehlo abo –sizoba ngabahlakaniphile kangcono  .

Iningi lethu lifuna uNkulunkulu aguqule izimpilo zethu ;bambalwa kithi abamlalelayo .Kungenzeka ungabi yilengane egijima ukwedlula ezinye .Kodwa lalela ngoba kusenokwenzeka  uwunqobe umjaho  .

Yilo kanye iZwi likaNkulunkulu leli … Eliza kuwe li-Fresh namhlanje.